Ham Mein Se Adhikatar Log Har Baar Nae Saal par phit hone ka aur vazan kam karane ka pran lete hain.par har beetate maheene ke saath na to apane lakshy kee taraph badhane ka prayaas karate hain aur na hee use haasil kar paate hain. sachchaee to ye hai ki saal khatm hone tak hamaara vazan pichhale saal kee tulana mein kaee kilo badh chuka hota hai. dekha jae to vazan kam karana ek saadhana kee tarah hai aapako apane manachaahe phaast phood se munh modana padata hai aur bistar ke aaraam ko tyaag kar thoda paseena bahaana padata hai. par kaee aise aasaan tareeke bhee jinhen apanaakar aap vazan ghataane kee yaatra ko kam adachanon ke saath paar kar sakate hain.bas aapako apane khaane peene aur laiph stail mein thoda sa pherabadal karana hoga aur phir aap bhee phait se phit tak ke lakshy ko aasaanee se haasil kar sakenge.
Jaldi Vazan Loss Kaise Kare
1.Bharapoor Paanee Pien
Paanee Hamaare Jeevan Ke Lie hee nahin balki hamaare shareer kee masheenaree ko suchaaroo roop se niyantrit rakhane ke lie bhee mahatvapoorn hai. vazan kam karane ka pahala padaav hai ki apane paanee ke inatek ko sudhaaren. din bhar mein kam se kam chaar leetar paanee peena aavashyak hai.isase aapake shareer kee gandagee baahar nikalegee. vaatar ritenshan kee samasya khatm hogee aur paachan kriya sudharegee.vaastav mein is daave mein sachchaee hai ki paanee peene se vajan ghataane mein madad mil sakatee hai.jaanakaar maanate hain ki adhik paanee peene se aapakee kailoree barn karane kee kshamata bhee badh jaatee hai . isalie jal hee jeevan hai ko mantr ko aatmasaat kar len.
2. Cheenee Se Dooree Banaen
aapaka vazan badhaane mein sabase bada haath cheenee ka hota hai. din bhar mein chaay kophee , kold drinks ke sahaare aap kaam nipataate rahate hain. isake baad lanch aur dinar ke baad meetha khaakar man ko santusht karate hain. par vazan kam karana hai to is ruteen ko chhodana hoga. agar aap chaay aur kophee mein cheenee band nahin kar sakate to ise dheere dheere kam karana shuru karen. khaane ke baad meetha khaane ka man ho to koee phal kha len. cheenee na keval khaalee kailoree mein adhik hotee hai, balki aapake metaabaalizm ko bhee dheema kar detee hai. isase motaapa aur dil se judee samasyaen hotee hain.
3. Proteen Ka Sevan Badhaen
vajan kam karane ke lie uchch proteen aahaar ko ek saphal rananeeti ke roop mein dekha ja sakata hai . haee proteen aahaar lene se aapake metaabaalizm mein sudhaar hota hai,pet bhara hone ka ehasaas der tak bana rahata hai aur shareer ko bharapoor oorja bhee milatee hai.proteen ke sevan se traiglisaraids, raktachaap niyantrit rahata hai aur motaapa tezee se kam hota hai. yadi aapake khaane mein proteen ka maatra kam hai to ise sudhaaren. apane aahaar mein adhik proteen shaamil karen. rojaana daal, ande, paneer aur soya utpaadon ka sevan karen. isase aap vazan ghataane ki disha mein ek kadam aur badh sakate hain.
4. Vok Karana Shuru Karen
vazan ghataane ke lie aahaar ke saath sharir ka sakriy rahana bhee zarooree hai. kauch par bade rahakar vazan kam karane ka sapana bas sapana banakar hee rah jaata harai. isalie khud ko push karen aur ghar ke aasapaas kisee khulee jagah mein vok karane ka niyam bana len. vajan ghataane ke lie aadarsh roop se aapako rojaana kam se kam 45 minat ke lie tejee se chalana chaahie. lekin agar aap aisa nahin kar sakate hain to subah aur shaam aadha ghanta tahalane kee koshish karen. aap shuruaat 10 minat kee vok se bhee kar sakate hain. dheere dheere apane shareer sahanashakti ke hisaab se is samay ko badhaate jaie. jaanakaar maanate hain ki paidal chalane se aantarik angon kee maalish hotee hai aur metaabolijm badhaane mein madad milatee hai. har bhojan ke baad 1000 kadam chalane kee koshish karen. agar aap jaldee vajan kam karana chaahate hain to yah sabase achchha mantr hai.
5. Khaane Mein Phaibar Ka Maatra Badhaen
tala bhuna ,masaaledaar khaana sabake man ko bhaata hai. khaasakar maide se banee cheezen to hamaare khaanapaan ka hissa ban chukee hain. par vazan ghataane ke lie in cheejon se dooree banaanee padegee. apane aahaar mein maida hataakar phaibar yukt cheezen shaamil karen. phaibar na keval kolestrol ko kam karata hai, balki aant ko saaph rakhata hai aur aapako lambe samay tak trpt bhee rakhata hai. jab koee vajan kam karana chaahata hai to reshedaar khaana khaana bahut jarooree hai. agar aap jaldee vajan kam karana chaahate hain to apane aahaar mein sailiyam bhoosee, chiya beej, phal aur haree sabjiyaan shaamil karen.
6. Khaane Mein Tel Tar Rakhen Lagaam
bhaarateey gharon mein paraatha poodee aur masaaledaar vaalee cheezen adhik khaee jaatee hain . aisee adhikatar dishon mein tel kee ek parat oopar se hee tairatee huee dikh jaatee hai. yahee tel aapake vazan kam karane ke sapane kee raah mein adachan hai. aadarsh roop se, aapake paas ek maheene mein 900 graam se adhik tel nahin hona chaahie. aap kitana tel kha rahe hain, is par nazar rakhen aur isaka aapake vajan par spasht prabhaav padega. koshish karen kee sabziyon mein tel naam maatr hee daalen. aur poodee paraathe ke moh ko bhee tyaag den tabhee aapakee phit hone kee koshish rang la sakegee.
7. Khaane Ko Dheere Dheere Chabaen
kaee shodhon mein is baat ka khulaasa hua hai ki agar ham apana khaana dheere dheere der tak chabaakar khaate hen to mein hee pet bhara hone ka ehasaas hota hai.jaanakaar maanate hain ki aap apane khaane ke dauraan pratyek nivaale ka svaad len aur jaanaboojhakar ise der tak chabaate rahen .khaana tabhee nigalen jab khaana pooree tarah se chaba liya jae .darasal dheere-dheere bhojan karane se na keval ham apane bhojan ka adhik aanand lete hain balki hamen trpti ke behatar sanket bhee milate hain.
8. Khaana Chhoden Nahin
vazan ghataane kee chaah mein kaee baar log khaana skip karane lagate hain .khud ko lambe samay tak bhookha rakhakar kailoree niyantrit karane kee koshish karate hain.par ye tareeka theek nahin hain. shareer ko kaam karane ke lie oorja kee aavashyakata hotee hai. isalie apanee bhookh ka sammaan karen aur apane shareer ko yah sochane kee anumati na den ki yah bhookha hai. jaanakaar maanate hain ki din mein chaar baar khaen par thoda thoda kar ke khaen. din bhar mein ek baar zaroorat se jyaada khaane se aapaka makasad hal nahin hone vaala.
9. Khaane Ke Samay Aur Porshan Ko Anushaasit Karen
dinabhar mein aap jokuchh bhee kha rahe hain usaka samay sunishchit karen. saath hee koshish karen kee subah ka naashta bharapoor ho par lanch usase kuchh chhota ho aur dinar mein bahut halka khaana len. jo apana vajan kam karana chaahate hain aur samagr svaasthy mein sudhaar karana chaahate hain ve is niyam ka paalan karenge to unhen achchhe parinaam mil sakate hain. visheshagy maanate hain ki shaam saat baje ke baad kuchh nahin khaana chaahie.aap apana dinar 7 baje tak kar len aur phir agale subah achchha aup paushtik naashta len. aisha karane se aapake shareer ko bhojan pachaane ka poora samay mil sakega aur aap kara vazan niyantrit hoga.
10. Cheet Meel Ke Baad Kailoree Ka Santulan Banaen
koi bhi vyakti hamesha khaane ko lekar pooree tarah anushaasit nahin rah sakata . kaee baar shaadee ,paartiyon ya kisee tyohaar ke mauke par ham tel masaalon se bharapoor khaana kha hee lete hain. par aap is khaane se milee eksatra kailoreez ko aane vaale dinon mein kaise niyantrit karate hain ye mahatvapoorn hai. binj eeting ke baad agale do teen dinon tak halka khaana khaen. paanee adhik pien aur kheere ,chhaachh aur tarabooj jaisee cheezon ka sevan karen jisase aapake shareer mein atirikt kailoree ko santulit kiya ja sake.aisa kar ke aap apane vazan ghataane ke mishan ko daabaara traik par la sakate hain.
